 |
SSLC PHYSICS - SELF EVALUATION TOOL (CHAPTER 1 - 5)
പത്താം ക്ലാസ്സിലെ Physics ലെ ആദ്യ അഞ്ച് യൂണിറ്റുകളെ ഉൾപ്പെടുത്തി SSLC മാതൃകയിൽ ഓരോ മാതൃകാ പരീക്ഷ തയ്യാറാക്കിയിരിക്കുകയാണ് LAYMANS SCIENCE LAB. ഉത്തരസൂചികയോടൊപ്പം audio, video യും നൽകിയിട്ടുണ്ട്.
SSLC PHYSICS - SELF EVALUATION TOOL (CHAPTER 1 - 5) QUESTIONS
SSLC PHYSICS - SELF EVALUATION TOOL (CHAPTER 1 - 5) QUESTIONS WITH KEY
SSLC വിവരശേഖരണം മെയിൽ മെർജ്
SSLC പരീക്ഷക്ക് മുന്നോടിയായി വിദ്യാലയത്തില് നിലവിലുള്ള വിദ്യാര്ഥികളുടെ വിശദാംശങ്ങള് ജനുവരി നാലിനകം സമ്പൂര്ണയില് തെറ്റുകള് തിരുത്തി Update ചെയ്യണമെന്ന് നിര്ദ്ദേശം ലഭിച്ചിട്ടുണ്ട്. വിദ്യാര്ഥികളുടെ ഫോട്ടോകള് 150പിക്സല് വീതിയും 200 പിക്സല് ഉയരവും 20മുതല് 30 KB സൈസിലുള്ള ബ്ലാക്ക് & വൈറ്റ് ഫോട്ടോ ആണ് അപ് ലോഡ് ചെയ്യേണ്ടത്. ഇതും സര്ക്കുലറില് പറഞ്ഞിരിക്കുന്ന 30 ഫീല്ഡിലെ വിവരങ്ങള് ആണ് പ്രധാനമായും തെറ്റുകള് തിരുത്താന് നിര്ദ്ദേശിച്ചിരിക്കുന്നത്. ഇത് പരിശോധിക്കുന്നതിനായി ഓരോ കുട്ടികളുടെയും വിശദാംശങ്ങള് സമ്പൂര്ണയിലെ റിപ്പോര്ട്ട് , മെയില് മെര്ജ് എന്നീ സങ്കേതങ്ങള് ഉപയോഗിച്ച് ഓരോ കുട്ടിയുടെയും വിശദാംശങ്ങള് ഓരോ ഷീറ്റുകളിലായി തയ്യാറാക്കുന്നതെങ്ങനെ എന്നതാണ് ഇവിടെ വിശദീകരിക്കുന്നത്. പത്താം ക്ലാസിലെ ഐ ടി പാഠപുസ്തകത്തിലെ രണ്ടാമത്തെ അധ്യായത്തിലെ പഠനപ്രവര്ത്തനം എന്ന നിലയില് പത്തിലെ ഐ ടി അധ്യാപകര്ക്കും വിദ്യാര്ഥികള്ക്കും പരിചിതമാണെങ്കിലും ഇത് തയ്യാറാക്കുന്ന രീതി ചുവടെ വിശദീകരിക്കുന്നു. സര്ക്കുലറില് നിര്ദ്ദേശിച്ചിരിക്കുന്ന വിവരങ്ങള് ഉള്ക്കൊള്ളുന്ന ഒരു ഡോക്യുമെന്റ് തയ്യാറാക്കി വേര്ഡ് ഫയലായി സേവ് ചെയ്യുകയാണ് ആദ്യം വേണ്ടത്. ഇത് ചുവടെ ലിങ്കില് നല്കിയിരിക്കുന്ന Blank Document ഡൗണ്ലോഡ് ചെയ്ത് സ്കൂളിന്റെ പേര് ഉള്പ്പെടുത്തി കമ്പ്യൂട്ടറില് .odt ഫയലായി സേവ് ചെയ്യുക. തുടര്ന്ന് ആവശ്യമായ വിവരങ്ങള് ഉള്പ്പെടുന്ന അഡ്രസ് ലിസ്റ്റ് സമ്പൂര്ണ്ണയിില് നിന്നും തയ്യാറാക്കുക.. ഇതിനായി സമ്പൂര്ണ്ണയില് ലോഗിന് ചെയ്ത് Dashboardലെ Reportsഎന്നതില് ക്ലിക്ക് ചെയ്യുകതുടര്ന്ന് ലഭിക്കുന്ന ജാലകത്തതില് Report Name എന്നതില് A List 2021 എന്ന് പേര് നല്കി Division എന്നതില് ടിക്ക് മാര്ക്ക് നല്കുക (ചുവടെ കാണിച്ചിരിക്കുന്നു)
മുകളിലെ ജാലകത്തിന് ചുവടെ സ്ക്രോള് ചെയ്യുമ്പോള് താഴെ വിദ്യാലയത്തിലെ വിവിധ വര്ഷങ്ങളിലെ ക്ലാസുകളുടെയും ഡിവിഷനുകളുടെയും ലിസ്റ്റുകള് ലഭിക്കും ഇതില് ഈ വര്ഷത്തെ പത്താം ക്ലാസ് ഡിവിഷനുകള് കണ്ടെത്തി അവയില് ഇടത് വശത്തെ ചതുരത്തില് ടിക്ക് മാര്ക്ക് നല്കുക.
ഇതിന് താഴെ Select and order the fields to be shown in the report എന്നതില് നിന്നും നമ്മുടെ സര്ക്കുലറില് പറഞ്ഞിരിക്കുന്ന 30 ഫീല്ഡുകളെ ആ ക്രമത്തില് വലത് വശത്തേക്ക് മാറ്റുക
തുടര്ന്ന് ഏറ്റവും ചുവട്ടിലായുള്ള Save Button ഉപയോഗിച്ച് ഈ ലിസ്റ്റിനെ സേവ് ചെയ്യുക
തുടര്ന്ന് Dashboard ലെ Reports എന്നതില് ക്ലിക്ക് ചെയ്യുക
ലഭിക്കുന്ന ജാലകത്തില് Show All Reports എന്നത് ക്ലിക്ക് ചെയ്യുക
ലഭിക്കുന്ന ജാലകത്തിന് മുകളിലെ Export csv എന്നത് ക്ലിക്ക് ചെയ്യുക
തുറന്ന് വരുന്ന ഫയലിനെ OK നല്കി Libre Office Calc ല് ഓപ്പണ് ചെയ്യുക
File -> Save As വഴി ഈ ഫയലിനെ A List Address എന്ന പേരില് സേവ് ചെയ്യുക. സേവ് ചെയ്യുമ്പോള് .ods എന്ന ഫയല് എക്സറ്റന്ഷനോട് കൂടി മുമ്പ് Blank Format സേവ് ചെയ്ത അതേ Locationല് സേവ് ചെയ്യുക. സേവ് ചെയ്യുന്നതിന് മുമ്പ് ഇതിനെ ഡിവിഷന് അടിസ്ഥാനത്തില് സോര്ട്ട് ചെയ്യുന്നത് ഉചിതമായിരിക്കും. ഇതിനായി Data -> Sort എന്നതില് Sort Key 1ആയി Divisionനും Sort Key 2 ആയി Gender ഉം Sort Key 3 ആയി Full name ഉം ആയി തിരഞ്ഞെടുത്ത് OK നല്കുക
മൂന്നാം ഘട്ടത്തില് ആണ് നമുക്കാവശ്യമായ റിപ്പോര്ട്ട് തയ്യാറാക്കുന്നത്
ഇതിനായി മുമ്പ് സേവ് ചെയ്തിരിക്കുന്ന Blank Document.odt എന്ന ഫയല് തുറക്കുക. ഇതിലെ Admission Number എന്നതിന് നേരെ Admission Number ഉള്പ്പെടുത്തേണ്ട ഭാഗത്ത് ക്ലിക്ക് ചെയ്ത ശേഷം ഈ ഫയലിലെ Insert->Fields -> More Fields എന്ന ക്രമത്തില് ക്ലിക്ക് ചെയ്യുക
ഇപ്പോള് ഈ Field listല് A List Address എന്നത് വന്നിട്ടുണ്ടാവും
ഇതിന് ഇടത് വശത്തുള്ള ത്രികോണചിഹ്നത്തില് ക്ലിക്ക് ചെയ്താല് Worksheet1 എന്ന ഷീറ്റിന്റെ പേര് വരും ഇതിന് ഇടത് വശത്തുള്ള ത്രികോണ ചിഹ്നത്തില് ക്ലിക്ക് ചെയ്താല് ആ ഷീറ്റിലെ എല്ലാ കോളങ്ങളുടെയും ഹെഡിങ്ങുകള് താഴെ താഴെയായി കാണാവുന്നതാണ്
ഇപ്രകാരം ആവശ്യമായ എല്ലാ ഫീല്ഡുകളും ഉള്പ്പെടുത്തിയ ശേഷം Fields ജാലകം ക്ലോസ് ചെയ്യുക ( Address എന്നതിന് നേരെ House Name എന്ന ഫീല്ഡ് ഉള്പ്പെടുത്തിയ ശേഷം കോമാ(,) ഇട്ടതിന് ശേഷം Street Name ചേര്ക്കുക അടുത്ത വരിയില് പോസ്റ്റ് ഓഫീസ് , പിന് കോഡ് ഇവ ഉള്പ്പെടുത്തുക
താഴെക്കാണുന്ന മാതൃകയില് ലഭിക്കും
തുടര്ന്ന് File -> Print ക്ലിക്ക് ചെയ്യുക. താഴെക്കാണുന്ന മാതൃകയില് !ഒരു ജാലകം ലഭിക്കും
ഇതില് OK ബട്ടണ് അമര്ത്തുക. അപ്പോള് ഫയലിന് പേരും സേവ് ചെയ്യേണ്ട Location നല്കുന്നതിനുള്ള ജാലകം ലഭിക്കും ഇത് നല്കി Save ചെയ്യുക
Click Here to Download the Blank Document
കടപ്പാട് എസ് െഎടിസി ബ്ലോഗ്
10,12 ക്ലാസ്സിലെ കുട്ടികൾ ജനുവരി 1 മുതൽ സ്കൂളിൽ എത്തുന്നതിനുള്ള മാർഗനിർദേശങ്ങൾ
10, 12 ക്ലാസ്സുകളിലെ വിദ്യാര്ത്ഥികള് സംശയ നിവാരണത്തിനും ഡിജിറ്റല് ക്ലാസ്സുകളുടെ തുടര്പ്രവര്ത്തനത്തിനും മാതൃകാ പരീക്ഷകള്ക്കുമായി രക്ഷകര്ത്താക്കളുടെ സമ്മതത്തോടെ 2020 ജനുവരി 1 മുതല് സ്കൂളുകളില് എത്തിച്ചേരുന്ന സാഹചര്യത്തില് സ്കൂള് തലത്തില് സ്വീകരിക്കേണ്ട മുന്കരുതല് സംബന്ധിച്ച വിശദമായ മാര്ഗ്ഗനിര്ദ്ദേശങ്ങൾ ചുവടെ ലിങ്കിൽ നിന്നും ഡൗൺലോഡ് ചെയ്യാവുന്നതാണ്.
Click Here for the Guidelines SSLC , +2 പരീക്ഷകള്ക്കുള്ള പൊതുവായ മാര്ഗനിര്ദ്ദേശങ്ങള്
2020-21 അക്കാദമി വർഷത്തെ എസ്.എസ്.എൽ.സി, പ്ലസ്ടു ക്ലാസ്സുകളിലെ പൊതുപരീക്ഷകൾ 2021 മാർച്ച് 17ന് ആരംഭിക്കും. കോവിഡ് പശ്ചാത്തലത്തിൽ പരീക്ഷ നടത്തിപ്പിനും പരീക്ഷയ്ക്ക് തയ്യാറെടുക്കുന്ന കുട്ടികൾക്കും അധ്യാപകർക്കും രക്ഷിതാക്കൾക്കും വേണ്ടിയുള്ള പൊതുവായ മാർഗ്ഗ നിർദ്ദേശങ്ങൾ സംബന്ധിച്ച് ബഹു. വിദ്യാഭ്യാസ മന്ത്രി വിളിച്ചു ചേർത്ത യോഗത്തിൽ തീരുമാനമായി. ബഹു. പൊതുവിദ്യാഭ്യാസ വകുപ്പ് മന്ത്രി, പൊതുവിദ്യാഭ്യാസ സെക്രട്ടറി, പൊതുവിദ്യാഭ്യാസ ഡയറക്ടർ, എ.സി.ആർ.ടി. ഡയറക്ടർ എന്നിവർ യോഗത്തിൽ പങ്കെടുത്തു. യോഗ തീരുമാനങ്ങൾ ചുവടെ ചേർക്കുന്നു.1) കോവിഡ് സാഹചര്യത്തിൽ വീഡിയോ മോഡിലൂടെ എല്ലാ പാഠഭാഗങ്ങളും കുട്ടികളിൽ എത്തിക്കുന്നതിനുള്ള പ്രവർത്തനങ്ങൾ നടന്നുവരികയാണ്. ഇവ 2021 ജനുവരി 31-നുള്ളിൽ പൂർത്തീകരിക്കണം.2) ജനുവരി 1 മുതൽ 10, 12 ക്ലാസുകളിലെ കുട്ടികൾക്ക് രക്ഷിതാക്കളുടെ അനുമതിയോടെ ഷിഫ്റ്റായി സ്കൂളുകളിൽ എത്തിച്ചേരാവുന്നതാണ്. അതിനാവശ്യമായ ക്രമീകരണം ഹെഡ്മാസ്റ്റർ/പ്രിൻസിപ്പൽ അതാത് സ്കൂളിന്റെ സാഹചര്യത്തിനനുസരിച്ച് തയ്യാറാക്കേണ്ടതാണ്.3) ജനുവരി 1 മുതൽ മാർച്ച് 16 വരെ കുട്ടികൾക്ക് ക്ലാസ്സ്റൂം പഠനത്തിന് അവസരമൊരുക്കണം. ഈ സമയത്ത് ലഭ്യമാകുന്ന ദിവസങ്ങൾ പരിഗണിച്ച് നേരിട്ടുള്ള ക്ലാസ്സ് റൂം അനുഭവത്തിന് ഏതെല്ലാം പാഠഭാഗങ്ങളാണ് കൂടുതൽ ശ്രദ്ധിക്കേണ്ടത് എന്ന് സ്കൂളുകളെ 2020 ഡിസംബർ 31-നകം അറിയിക്കും. വിദ്യാഭ്യാസ വകുപ്പിന്റെ വിവിധ വെബ്സൈറ്റുകളിൽ ഇത് പ്രസിദ്ധീകരിക്കും. ഈ പാഠഭാഗങ്ങൾ അദ്ധ്യാപകർ പൂർണ്ണമായും റിവിഷൻ നടത്തേണ്ടതാണ്.4) കുട്ടികളുടെ അഭിരുചിക്കനുസരിച്ച് ആവശ്യാനുസരണം ചോദ്യങ്ങൾ തിരഞ്ഞെടുക്കാനും ഉത്തരമെഴുതാനും അവസരമൊരുക്കുന്നവിധം അധികചോദ്യങ്ങൾ (Choices) ചോദ്യപേപ്പറിൽ ഉൾപ്പെടുത്തുന്നതാണ്.5) അഭിരുചിക്കനുസരിച്ച് ഉത്തരമെഴുതാൻ അധികമായി ഓപ്ഷൻ അനുവദിക്കുമ്പോൾ ചോദ്യങ്ങളുടെ എണ്ണം വർദ്ധിക്കും. ഇവ വായിച്ചു മനസ്സിലാക്കാൻ കൂടുതൽ സമയം ആവശ്യമായിവരും. അതുകൊണ്ട് സമാശ്വാസ സമയം (Cool of time) വർദ്ധിപ്പിക്കുന്നതായിരിക്കും.6) ചോദ്യമാതൃകകൾ കുട്ടികൾക്ക് പരിചയപ്പെടാൻ മാതൃകാ ചോദ്യങ്ങൾ തയ്യാറാക്കി വിദ്യാഭ്യാസ വകുപ്പിന്റെ വിവിധ വെബ്സൈറ്റുകളിലൂടെ കുട്ടികൾക്ക് ലഭ്യമാക്കും. മാതൃകാപരീക്ഷ നടത്തും.7) സ്കൂൾ പ്രവർത്തനങ്ങളെക്കുറിച്ചും പരീക്ഷയെ കുറിച്ചും കൃത്യമായ ധാരണ രക്ഷിതാക്കളിൽ എത്തിക്കുന്നതിനുവേണ്ടി ക്ലാസ്സടിസ്ഥാനത്തിൽ രക്ഷാകർത്താക്കളുടെ യോഗം സ്കൂളുകൾ വിളിച്ചു ചേർക്കണം. ഈ യോഗത്തിൽ ബഹു. പൊതുവിദ്യാഭ്യാസ വകുപ്പുമന്ത്രി നൽകുന്ന സന്ദേശം രക്ഷിതാക്കൾക്ക് കേൾക്കാൻ അവസരമൊരുക്കേണ്ടതാണ്.8) ഭിന്നശേഷിക്കാരായ കുട്ടികൾക്ക് പ്രത്യേക പിന്തുണ ആവശ്യമുള്ളതുകൊണ്ട് ഇതു സംബന്ധമായ പ്രത്യേക മാർഗ്ഗനിർദ്ദേശം നൽകുന്നതാണ്.9) നിരന്തര വിലയിരുത്തൽ എ) വിഷയാടിസ്ഥാനത്തിൽ അനുയോജ്യവും ലളിതവുമായ പഠനപ്രവർത്തനങ്ങൾ നൽകുകയും വിലയിരുത്തുകയും വേണം.ബി) വീഡിയോ ക്ലാസുകളുമായി ബന്ധപ്പെട്ട പഠന പ്രവർത്തനങ്ങളിലെ പങ്കാളിത്തം, അതിൻറെ ഭാഗമായ പഠന തെളിവുകൾ (ക്ലാസ്സുമായി ബന്ധപ്പെട്ട നോട്ടുകൾ, ഉല്പന്നങ്ങൾ, മറ്റു പ്രകടനങ്ങൾ), യൂണിറ്റ് വിലയിരുത്തലുകൾ (രണ്ട് എണ്ണം) തുടങ്ങിയ സൂചകങ്ങളും നിരന്തര വിലയിരുത്തലിന്റെ ഭാഗമായ സ്കോറുകൾ നൽകുന്നതിൽ പരിഗണിക്കുന്നതാണ്.10) എല്ലാ വിഭാഗങ്ങളുടെയും (എസ്എസ്എൽസി, ഹയർസെക്കണ്ടറി, വൊക്കേഷണൽ ഹയർ സെക്കണ്ടറി) പ്രായോഗിക പരീക്ഷ എഴുത്തുപരീക്ഷക്കു ശേഷമാണ് നടത്തേണ്ടത്. ഇത് സംബന്ധിച്ച് വിവിധ വിഭാഗങ്ങൾ അവരവരുടെ തനത് പ്രത്യേകതകൾക്കനുസരിച്ച് മാർഗ്ഗരേഖകൾ തയ്യാറാക്കുന്നതാണ്. എഴുത്തുപരീക്ഷക്കുശേഷം പ്രായോഗിക പരീക്ഷയുടെ തയ്യാറെടുപ്പിനായി ചുരുങ്ങിയത് ഒരാഴ്ച സമയം കുട്ടികൾക്ക് നൽകുന്നതാണ്.11) എല്ലാ തലങ്ങളിലുമുള്ള യോഗങ്ങള് വിളിച്ച് മോണിറ്ററിംഗും അക്കാദമിക് പിന്തുണാ സംവിധാനങ്ങളും ഉറപ്പുവരുത്തണം.
കടപ്പാട് DGE Kerala Facebook Page
SSLC PHYSICS VIDEO LESSON CHAPTER 5 REFRACTION OF LIGHT പ്രകാശത്തിൻ്റെ അപവർത്തനം
പത്താം ക്ലാസ്സ് ഫിസിക്സിലെ യൂട്വൂബ് ക്ലാസ്സുകൾ നടക്കുന്നതിൻ്റെ തുടർച്ചയായി അഞ്ചാം അദ്ധ്യായത്തെ ലളിതമായി അവതരിപ്പിക്കുകയാണ് GHSS എഴിപ്പൂരിലെ അദ്ധ്യാപകനും റിസോഴ്സ് പേഴ്സണും കൂടിയായ ശ്രീ ഇബ്രാഹിം വാത്തിമറ്റം സാർ.
SSLC PHYSICS VIDEO LESSON CHAPTER 5 REFRACTION OF LIGHT പ്രകാശത്തിൻ്റെ അപവർത്തനം PART 1
X.Physics.5.1:Refraction - optical density
SSLC PHYSICS VIDEO LESSON CHAPTER 5 REFRACTION OF LIGHT പ്രകാശത്തിൻ്റെ അപവർത്തനം PART 2
Snell's Law - Refractive index - Various phenomena related to Refraction
SSLC PHYSICS VIDEO LESSON CHAPTER 5 REFRACTION OF LIGHT പ്രകാശത്തിൻ്റെ അപവർത്തനം PART 3 Total internal Reflection
SSLC PHYSICS VIDEO LESSON CHAPTER 5 REFRACTION OF LIGHT പ്രകാശത്തിൻ്റെ അപവർത്തനം PART 4
Recent posts
SSLC PHYSICS VIDEO LESSON CHAPTER 4 REFLECTION OF LIGHT പ്രകാശത്തിന്റെ പ്രതിപതനം
SSLC PHYSICS - SELF EVALUATION TOOL (CHAPTER 1,2&3)
SSLC PHYSICS VIDEO LESSON CHAPTER 3 ELECTRO MAGNETIC INDUCTION - വൈദ്യുതകാന്തിക പ്രേരണം
തളിര് സ്കോളര്ഷിപ്പ് : രജിസ്ട്രേഷന് ആരംഭിച്ചു
സ്കൂള് വിദ്യാര്ത്ഥികളുടെ സാഹിത്യാഭിരുചി പരിപോഷിപ്പിക്കാന് സംസ്ഥാന ബാലസാഹിത്യ ഇന്സ്റ്റിറ്റ്യൂട്ട് ആവിഷ്കരിച്ച തളിര് സ്കോളര്ഷിപ്പ് പരീക്ഷയുടെ രജിസ്ട്രേഷന് ആരംഭിച്ചു. ജൂനിയര് (അഞ്ച്, ആറ്, ഏഴ് ക്ലാസുകള്)-സീനിയര് (എട്ട്, ഒന്പത്, പത്ത്) വിഭാഗങ്ങളിലായി 2500 ഓളം വിദ്യാര്ഥികള്ക്ക് ഈ വര്ഷം സ്കോളര്ഷിപ്പ് വിതരണം ചെയ്യും. സംസ്ഥാന തലത്തില് ഒന്ന്, രണ്ട്, മൂന്ന് റാങ്കുകള് കരസ്ഥമാക്കുന്നവര്ക്ക് 10,000, 5,000, 3,000 രൂപയാണ് സ്കോളര്ഷിപ്പ് നല്കുന്നത്.
ജില്ലാതല വിജയികള്ക്ക് 1,000, 500 രൂപ എന്നിങ്ങനെ സ്കോളര്ഷിപ്പ് നല്കും. വിദ്യാര്ത്ഥികളുടെ സാഹിത്യാഭിരുചി, ചരിത്ര വിജ്ഞാനം, പൊതു വിജ്ഞാനം തുടങ്ങിയവ അടിസ്ഥാനമാക്കിയാണ് സ്കോളര്ഷിപ്പ് പരീക്ഷ. മൂന്നു തലത്തില് ആയാണ് പരീക്ഷ. പ്രാഥമിക ഘട്ടത്തിലെ വിജയികളെ പങ്കെടുപ്പിച്ച് ജില്ലാതല പരീക്ഷ നടക്കും. ജില്ലാതലത്തില് ഉയര്ന്ന മാര്ക്ക് കരസ്ഥമാക്കിയവരെ സംസ്ഥാനതലത്തില് മത്സരിപ്പിക്കും. ജില്ലാതല സ്കോളര്ഷിപ്പ് 14 ജില്ലകളിലുള്ളവര്ക്കും നല്കും. 200 രൂപയാണ് രജിസ്ട്രേഷന് ഫീസ്.
സ്കോളര്ഷിപ്പിനായി രജിസ്റ്റര് ചെയ്യുന്ന എല്ലാ കുട്ടികള്ക്കും ഇന്സ്റ്റിറ്റ്യൂട്ട് പ്രസിദ്ധീകരിക്കുന്ന തളിര് മാസിക ഒരു വര്ഷത്തേക്ക് സൗജന്യമായി നല്കും. കൂടാതെ കുട്ടികളുടെ പങ്കാളിത്തത്തിന് അനുസരിച്ച് സ്കൂള് ലൈബ്രറികള്ക്ക് ഇന്സ്റ്റിറ്റ്യൂട്ട് പ്രസിദ്ധീകരിക്കുന്ന 10,000 രൂപ മുഖവിലയുള്ള പുസ്തകങ്ങള് വരെ സമ്മാനമായി നല്കും. കുട്ടികള്ക്ക് https://scholarship.ksicl.kerala.gov.in എന്ന വെബ്സൈറ്റിലൂടെ സ്കോളര്ഷിപ്പ് പരീക്ഷയ്ക്കായി രജിസ്റ്റര് ചെയ്യാം. ഡിസംബര് 31ന് രജിസ്ട്രേഷന് അവസാനിക്കും. ഫോണ്: 8547971483
തളിര് സ്കോളർഷിപ്പ് പദ്ധതി 2021
https://scholarship.ksicl.kerala.gov.in
- തളിര് സ്കോളർഷിപ്പ് പരീക്ഷയ്ക്ക് ഓൺലൈൻ വഴിയും അല്ലാതെ ഇൻസ്റ്റിറ്റ്യൂട്ടിൽ നേരിട്ടും രജിസ്റ്റർ ചെയ്യാവുന്നതാണ്.
- രജിസ്റ്റർ ചെയ്യുന്ന കുട്ടികൾക്ക് ഒരു വർഷത്തേക്ക് തളിര് മാസിക സൗജന്യമായി നൽകുന്നതാണ്.
- ജൂനിയർ (V, VI, VII) സീനിയർ (VIII, IX, X) വിഭാഗങ്ങളിൽ പ്രത്യേകമായാണ് രജിസ്ട്രേഷനും മത്സരങ്ങളും നടത്തുന്നത്.
- നൂറിലധികം കുട്ടികളെ രജിസ്റ്റർ ചെയ്യുന്ന സ്കൂളുകളുടെ ലൈബ്രറിയിലേക്ക് ഓരോ നൂറ് രജിസ്ട്രേഷനും 1000 രൂപ മുഖവിലയുള്ള പുസ്തകങ്ങൾ സൗജന്യമായി ലഭിക്കും.
- സ്കൂളുകൾ തുറന്നു പ്രവർത്തിക്കുന്ന സാഹചര്യത്തിൽ ഓരോ സ്കൂളിലും പരീക്ഷയ്ക്ക് രജിസ്റ്റർ ചെയ്യുന്ന കുട്ടികളെ പങ്കെടുപ്പിച്ച് പ്രാഥമികപരീക്ഷ നടത്തേണ്ടതും വിജയികളെ നിശ്ചയിക്കേതും അതത് സ്കൂളുകൾ തന്നെയാണ്. ജൂനിയർ, സീനിയർ വിഭാഗങ്ങളിലായി രജിസ്റ്റർ ചെയ്ത ഓരോ 10 കുട്ടികൾക്കും ഒരാൾ എന്ന കണക്കിൽ ഓരോ വിഭാഗത്തിൽനിന്നും ഒരു കുട്ടിയേയും 20 കുട്ടികളെ രജിസ്റ്റർ ചെയ്യുന്ന സ്കൂളുകളിൽ 2 കുട്ടികളേയും 100 കുട്ടികളെ രജിസ്റ്റർ ചെയ്യുന്ന സ്കൂളുകളിൽ നിന്നും 10 കുട്ടികളെയും ജില്ലയിൽ നടക്കുന്ന മത്സരപരീക്ഷക്ക് പങ്കെടുപ്പിക്കാവുന്നതാണ്. ജില്ലാതലത്തിൽ ഏറ്റവും കൂടുതൽ മാർക്ക് വാങ്ങുന്ന കുട്ടിയെ പങ്കെടുപ്പിച്ച് സംസ്ഥാനതലത്തിൽ പരീക്ഷ നടത്തുന്നതുമാണ്.
- കോവിഡ് പ്രോട്ടോക്കോൾ നിലനിൽക്കുകയും സ്കൂളുകളിലും ജില്ലാതലങ്ങളിലും പരീക്ഷ നടത്താനാവാതിരിക്കുകയും ചെയ്യുന്ന സാഹചര്യത്തിൽ പരീക്ഷ നടത്തിപ്പിനും കുട്ടികളെ തെരഞ്ഞെടുക്കുന്നതിനും ബദൽ സംവിധാനം ഇൻസ്റ്റിറ്റ്യൂട്ട് ഒരുക്കുന്നതാണ്.
- സംസ്ഥാനതല പരീക്ഷയിൽ ഒന്നും രണ്ടും മൂന്നും സ്ഥാനങ്ങൾ നേടുന്ന കുട്ടികൾക്ക് യഥാക്രമം 10,000/-, 5,000/-, 3,000/– എന്നിങ്ങനെ ആയിരിക്കും സ്കോളർഷിപ്പ് തുക. എല്ലാവർക്കും മെരിറ്റ് സർട്ടിഫിക്കറ്റ് നൽകുന്നതാണ്.
- ജില്ലാതല പരീക്ഷയിൽ ഒന്നാം റാങ്കിന് ഓരോ കുട്ടിക്കും 1000/- രൂപയുടെ വാർഷിക സ്കോളർഷിപ്പ്.
- ജില്ലാതല പരീക്ഷയിൽ രാം റാങ്കിന് ഓരോ കുട്ടിക്കും 500/- രൂപയുടെ വാർഷിക സ്കോളർഷിപ്പ്. ജില്ലാതല പരീക്ഷയിൽ ഏറ്റവും ഉയർന്ന മാർക്ക് വാങ്ങുന്ന 10 സ്ഥാനങ്ങൾ വരെയുള്ളവർക്ക് മെരിറ്റ് സർട്ടിഫിക്കറ്റ് നൽകുന്നതാണ്.
- പൊതുവിജ്ഞാനം, ആനുകാലികം, സാഹിത്യം, ചരിത്രം, ബാലസാഹിത്യം, തളിര് മാസിക എന്നിവയെ ആസ്പദമാക്കിയാണ് ഈ വർഷത്തെ പരീക്ഷകൾ സംഘടിപ്പിക്കുന്നത്.
- രജിസ്ട്രേഷൻ ഫീസ് 200/- രൂപ.
- രജിസ്റ്റർ ചെയ്യേണ്ട ലിങ്ക് : https://scholarship.ksicl.kerala.gov.in
- സംശയനിവാരണത്തിന് : 8547971483
എസ്.എസ്.എൽ.സി, ഹയർ സെക്കൻററി പരീക്ഷകൾ മാർച്ച് 17 മുതൽ
എസ്.എസ്.എൽ.സി പരീക്ഷയും ഹയർ സെക്കൻററി, വൊക്കേഷണൽ ഹയർ സെക്കൻററി രണ്ടാം വർഷ പരീക്ഷകളും കോവിഡ് മാനദണ്ഡങ്ങൾ കർശനമായി പാലിച്ച് മാർച്ച് 17 മുതൽ 30 വരെ നടത്താൻ തീരുമാനിച്ചു. മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന ഉന്നതതലയോഗമാണ് തീരുമാനം എടുത്തത്.
പത്ത്, പന്ത്രണ്ട് ക്ലാസുകളിലെ പൊതുപരീക്ഷകൾക്കുള്ള ക്രമീകരണവും വിദ്യാഭ്യാസ വകുപ്പ് ഉടനെ നടത്തും. പൊതുപരീക്ഷയുടെ ഭാഗമായുള്ള പ്രാക്ടിക്കൽ പരീക്ഷക്ക് തയ്യാറെടുക്കുന്നവർക്കുള്ള ക്ലാസുകൾ ജനുവരി ഒന്നു മുതൽ ആരംഭിക്കും. ജൂൺ ഒന്നു മുതൽ ആരംഭിച്ച ഓൺലൈൻ ക്ലാസുകളുടെ റിവിഷനും സംശയദുരീകരണവും ജനുവരി ഒന്നു മുതൽ സ്കൂൾതലത്തിൽ നടത്തുന്നതിന് ക്രമീകരണമുണ്ടാക്കും.
മാതൃകാപരീക്ഷകളും വിദ്യാർത്ഥികളുടെ മാനസിക സംഘർഷം ഒഴിവാക്കുന്നതിനുള്ള കൗൺസലിങ്ങും സ്കൂൾതലത്തിൽ നടത്തും. ഇതിനു വേണ്ടി 10, 12 ക്ലാസുകളിലെ വിദ്യാർത്ഥികൾക്ക് രക്ഷകർത്താക്കളുടെ സമ്മതത്തോടെ സ്കൂളിൽ പോകാം. നിലവിലുള്ള അധ്യാപകരുടെ സേവനം പ്രയോജനപ്പെടുത്തി ഇക്കാര്യങ്ങൾ നിർവഹിക്കും.
സ്കൂൾ, ഹയർസെക്കൻററി തലത്തിലെ എല്ലാ ക്ലാസുകളും കോവിഡ്-19 ന്റെ പശ്ചാത്തലത്തിൽ ജൂൺ ഒന്നു മുതൽ ഓൺലൈനായി നടക്കുകയാണ്. അതു ഈ നിലയിൽ തുടരും.
കോളേജ് തലത്തിൽ അവസാന വർഷ ബിരുദക്ലാസുകളും പോസ്റ്റ് ഗ്രാജുവേറ്റ് ക്ലാസുകളും ജനുവരി ആദ്യം മുതൽ ആരംഭിക്കും. പകുതി വീതം വിദ്യാർത്ഥികളെ വെച്ചാണ് ക്ലാസുകൾ നടത്തുക. ആവശ്യമെങ്കിൽ കാലത്തും ഉച്ചയ്ക്കുശേഷവുമായി ഷിഫ്റ്റ് അടിസ്ഥാനത്തിൽ ക്ലാസുകൾ ക്രമീകരിക്കും.
കാർഷിക സർവകലാശാലയിലെയും ഫിഷറീസ് സർവകലാശാലയിലെയും ക്ലാസുകളും വിദ്യാർത്ഥികളുടെ എണ്ണം ഭാഗിച്ച് പരിമിതപ്പെടുത്തി ജനുവരി ആദ്യം ആരംഭിക്കും. മെഡിക്കൽ കോളേജുകളിൽ രണ്ടാം വർഷം മുതൽ ക്ലാസുകൾ ആരംഭിക്കാനാണ് തീരുമാനം.
Subscribe to:
Posts (Atom)